البنت بتظبط الولد ماهيش كمالة عدد
البنت زى الولد ماهيش كمالة عدد
حرية المرأة –تعليم المرأة –المساواة
كل الشعارات دى بحمد الله تحققت وتفوقنا حتى على غيرنا فى كل شىء حتى نالت البنت فى القرن ال21 حرية تظبيط الولد
يعنى بدال ما كان شلة اولاد يقفو على الناصية يعاكسو البنات يقى شلة بنات تقف تعاكس اولاد
حتى اننى انادى بعربة مخصوص للرجال يمنع فيها البنات من كثرة تلقيح الجتت والتصرفات المشينة اللى بتعملها البنات
محدش يزعل يابنات انا عارفة ان كل قرائى قد يذهلو مما اقول ولكن فعلا العجب العجاب ما رايته بعينى من تصرفات لبنات عاوزة قطم رقبتها
وكمان سمعت البنات وهما بيتكلمو مع بعض فى الترماى
سيبيلى مصطفى واسيبلك حمادة وما تقطعيش عليا
وغيره وغيره
بصراحة طول عمر الست هى اللى بتغوى الرجل وتخليه يندب على بوزه بس بطرق غير مباشرة ولكن بالوقاحة دى جديدة أظن بقى دعاة تحرير المرأة هنا وصلو لقمة المجد
شلة بنات واقفين فى مول يظبطو اولاد
او شلة بنات ماشيين وراء شلة اولاد يلقحو كلام عليهم
قمة الحرية اهوه
وآآآآآآآآآآآآآآآآآآآآه يابلد
والبنت بتظبط الولد ماهيش كمالة عدد